एजेन्सी, माघ १९ ।
भारतको महाकुम्भ मेलाबाट जनकपुर फर्किरहेको गाडी दुर्घटनामा परेकाे छ । आज शनिबार महाकुम्भबाट फर्किरहेको अवस्थामा गाडी दुर्घटना हुँदा ५ जना नेपालीको मृत्यु भएको छ भने ४ जना घाइते भएका छन् ।

सबैजना जनकपुरधामकै रहेको बताइएको छ । शनिबार भारतको मुजफ्फरमा भएको दुर्घटनामा उनीहरूको मृत्यु भएको भारतीय सञ्चारमाध्यमहरूले जनाएको छ ।

मृत्यु हुनेहरूमा मन्तारण देवी, बालकृष्ण झा, अर्चना ठाकुर, इन्दुदेवी र एक ड्राइभर रहेको बताइएको छ । त्यस्तै, श्रृष्टि ठाकुर, कामिनी झा र मनोहर ठाकुर घाइते भएका छन् ।

बाइकलाई बचाउन खोज्दा स्कारपियो अनियन्त्रित भएर सडकमा पल्टिएको प्रत्यक्षदर्शीहरूको भनाई रहेकाे छ ।