एजेन्सी, माघ २२ ।
मध्य स्वीडेनको ओरेब्रो शहरस्थित एक विद्यालयमा कम्तीमा ५ जनामाथि गोली प्रहार भएको छ । प्रहरीले ‘खतरा अझै टरी नसकेको’ जनाएको छ ।

मंगलबार ‘गम्भीर हिंसात्मक अपराध’ को चेतावनी जारी गर्दै प्रहरीले यसविरुद्ध कारबाही चलिरहेको जानकारी दिएको छ । प्रहरीले सर्वसाधारणलाई उक्त क्षेत्रबाट टाढा रहन र घरभित्र बस्न आग्रहसमेत गरेको छ । घटनामा कति जना घाइते भएका छन् भन्ने स्पष्ट हुन सकेको छैन ।

क्याम्पस रिस्बर्गस्का स्कूल एउटा अध्ययन केन्द्र रहेको स्थानीय काउन्सिलको वेबसाइटमा उल्लेख गरिएको छ । यो राजधानी स्टकहोमभन्दा १६० किलोमिटर पश्चिममा रहेको छ ।