काठमाडाैं, फागुन १ ।
आज बिहीबार काठमाडौं शहर विश्वकाे बढी वायु प्रदूषित शहरमध्ये दोश्रो स्थानमा पुगेको छ । काठमाडौंको एयर क्वालीटी इन्डेक्स (एक्यूआई) १८३ पुगेको छ, जसले वायुको गुणस्तर निकै खराब भएको संकेत दिन्छ ।

आइक्युर एयरकाअनुसार, पाकिस्तानको कराँची शहर वायु प्रदूषणको १ नम्बरमा परेको छ । कराँचीको एयर क्वालिटी इन्डेक्स (एक्यूआई) २२४ पुगेको छ । दोश्रो नम्बरमा चीनको वुहान शहर रहेको छ । यहाँको एयर क्वालिटी इन्डेक्स (एक्यूआई) १८१ पुगेको छ । पाकिस्तानकै लाहोर चौथो नम्बरमा छ । यसैबीच, पोखराको एक्यूआई पनि २४४.२१ पुगेको छ, जसले प्रदूषणको अवस्था गम्भीर बनाएको छ ।

विश्व स्वास्थ्य संगठनको मापदण्डअनुसार, एक्यूआई ३५ भन्दा कम हुनु पर्छ र, ५० एक्यूआईसम्मलाई सामान्य मानिन्छ । ५० एक्यूआई भन्दा माथिको वायु अस्वस्थकर मानिन्छ ।

चिकित्सककाअनुसार, वायु प्रदूषणले फोक्सोको क्यान्सर, मुटुसम्बन्धी रोग, मस्तिष्कघात, हृदयघात जस्ता गम्भीर स्वास्थ्य समस्याहरू निम्त्याउन सक्छ । यस कारणले विशेषज्ञहरूले नागरिकलाई सजग रहन र प्रदूषणको स्तरलाई नियन्त्रण गर्नका लागि विभिन्न उपायहरू अपनाउन आग्रह गरेका छन् ।