काठमाडाैं, फागुन ६ ।
अन्तर्राष्ट्रिय बजारमा आएको उतार चढावसँगै नेपाली बजारमा सुनचाँदी कारोबारको तेश्रो दिन आज मंगलबार पनि सुनको मूल्य घटबढ भएको छ ।

नेपाल सुनचाँदी व्यसवसायी महासंघकाअनुसार आज सुनको मूल्य प्रति तोला ७ सय रुपैयाँले बढेको छ ।

सोमबार सुन प्रति तोला १ लाख ६८ हजार ७ सय रुपैयाँमा खरिद बिक्री भएकामा आज बढेर १ लाख ६९ हजार ४ सय रुपैयाँ कायम भएको हो ।

आज, चाँदीको मूल्य भने स्थिर छ । अर्थात् आज पनि सोमबार जस्तै चाँदी प्रति तोला १ हजार ९ सय ७० रुपैयाँमा कारोबार भइरहेको महासंघले जनाएको छ ।

अन्तरराष्ट्रिय बजारमा भने आज सुन प्रतिऔँस २ हजार ९१४ अमेरिकी डलरमा कारोबार भइरहेको छ।