काठमाडाैं, फागुन ८ ।
संविधान सभा सदस्य एवं नेपाल कम्युनिष्ट पार्टी (एकीकृत समाजवादी)का पोलिटब्यूरो सदस्य विदुर सापकोटाको निधन भएको छ ।

जिल्लाको मण्डनदेउपुर नगरपालिका-७ नौबिसे निवासी ५९ वर्षीय सापकोटाको काठमाडौंको चाबहिलस्थित हेल्पिङ ह्याण्डस् सामुदायिक अस्पतालमा उपचारका क्रममा आज बिहीबार बिहान निधन भएको सोही पार्टीका पोलिटब्यूरो सदस्य टोकबहादुर वाइबाले जानकारी दिएका छन् ।

सापकोटा लामो समयदेखि उच्च रक्तचाप र मधुमेहबाट पीडित थिए । पोलिटब्यूरो सदस्य वाइबाकाअनुसार फोक्सोमा समस्या भएपछि यही फागुन ४ गते उनलाई उपचारार्थ उक्त अस्पतालमा भर्ना गरिएको थियो ।