काठमाडौं, जेठ १७ ।
एएस रोमाबाट झन्डै तीन दशक लामो करियर अन्त्य गरेका दिग्गज फरवार्ड फ्रान्सेस्को टोट्टीलाई बार्सिलोनाका फरवार्ड लियोनेल मेस्सीले सामाजिक संजाल मार्फत उनको करियरको प्रशंसा गर्दै शुभकामना दिएका छन् ।

पाँच पटकका ब्यालन दिओर विजेता मेस्सीले आफ्नो फेसबुक पेजमा टोट्टी र उनको फोटोसँगै सानो संदेश पनि छाडेका छन् । उनले सन्देशमा ‘कप्तान, तपाईं महान हुनुहुन्छ । जिन्दगीमा आउने दिनहरूका लागि धेरै धेरै शुभकामना छ ।’ भनेर लेखेका छन् ।

आफ्नो पुरा खेलजीवनमा रोमासँगै रहेका टोट्टीले रोममा रहेर उपाधि पनि जितेका थिए । उनले राष्ट्रिय टोलीबाट विश्वकप पनि जिते ।
मेस्सी पनि बार्सिलोनाबाट लामो समयदेखि खेल्दै आएका खेलाडि हुन् । उनले क्लबबाट धेरै उपाधि जिते पनि राष्ट्रिय टोलीबाट भने सोहि किसिमको सफलता प्राप्त गर्न सकेका छैनन् ।