एक दशक लामो रेखा थापा र छबि ओझाबीचको सम्बन्ध कहिल्यै सौहार्दपूर्ण रहेन ।आफूले ड्याडीको नाता लगाउँदै आएकी ओझासँगको सम्बन्ध अदालतबाटै टुंगाएर हाल रेखा थापा र छबि ओझा एक्ला एक्लै बस्दै आएका छन् ।  छुट्टिपछि छबि गौरीघाटमा बस्दै आउका छन् भने नायिका रेखा थापा चाबहिलस्थित अम्बे अपार्टमेन्टमा बस्दै आएकी छन् ।

एक दशकसम्म सँगै रहँदा नायिका थापामा सन्तान जन्माउने चाहना कहिल्यै रहेन । जुन विषय केही समय अगाडि उनकै पूर्वपति निर्माता छबि ओझाले  एक पत्रिकासँग अन्तर्वार्ता दिँदै भनेका थिए ‘रेखाले सन्तान जन्माउन नै चाहिँनन् ।’

छबिसँग बिछोडिएसँगै रेखा थापालाई आमा बन्ने रहर पलाएर आएको छ । जुन चाहना उनले आज दाङमा पुगेर प्रकट गरेकी छन् । हालै मात्र राप्रपा पार्टीमा प्रवेश गरेसँगै पार्टीको प्रचार प्रसारको सिलसिलामा दाङको घोराही पुगेकी थापाले पत्रकारहरूसँगको भेटघाटमा अब बिवाह गर्ने समय भएकाले मिल्यो भने केही वर्षमै बैवाहिक जीवनमा बाँधिने बताएकी थिइन् । उनले थपिन् ‘जो पनि महिलालाई आमा बन्न रहर हुन्छ यो स्वभाविक हो ।

त्यस्तै फिल्ममा मात्रै नायिका भएकी रेखाले अब राजनीतिक नायिका बन्ने बताएकी छन् । ‘म फिल्मको नायिका थिएँ अब राजनीतिको पनि नायिका बन्दैछु । साथै उनले नीति निर्माणको भूमिका खेल्न राजनीतिमा आएको बताइन् ।

महिलाहरूले गर्ने गरेका कानुनी र नीतिगत प्रश्नले आफूलाई राजनीतिमा होमिनु परेको नायिका थापाले बताइन् । चलचित्रमार्फत नायिका बनेर महिलाका मुद्दाहरू उठाउन नसकिने भन्दै उनले राजनीतिक नायिका बन्ने उद्घोषसमेत गरेकी छन् ।’