काठमाडाैं, पुस १७ ।
अ‌ंग्रेजी नयाँ वर्षको रङमा काठमाडौ‌ं पूरै झुम्यो। दरबारमार्ग, ठमेलका रेष्टुरेन्ट, पब, होटल हिजाे पूरै भरिभराउ नै रहे। नयाँ वर्षको स्वागतका लागि पूर्वयुवराज पारस शाहसमेत अन्नपूर्ण हाेटलमा १९७४ एडीको स‌ंगीतमा मग्न देखिए ।

त्यसो त पारसको परिवार क्रिसमसमा पनि लाजिम्पाटको त्रिसरा, दरबारमागर्गको अन्नपूर्ण र मेजेमा नभेटिएका हाेइन। त्यतिबेला पारससँगै पूर्वराजा ज्ञानेन्द्र, पूर्वरानी कोमल र पारसका दिदीबिहनी र छोराछोरीसमेत साथमा थिए।

तर शनिबारकाे रातमा भने पारसको परिवार अन्नपूर्णमा भेटिएन । उनीहरू छुट्टि मनाउन बैंकक गएका कारण पारस त्यहाँ एक्लै पुगेका थिए।

नयाँ वर्षको स्वागतको प्रतिक्षामा रहेकाहरूका लागि स्थानीय प्रशासनले ठमेल, दरबारमार्ग क्षेत्रका होटल बिहान २ बजेसम्म खोल्ने अनुमति दिएको छ। २०१६ को बिदाई र सन् २०१७ को स्वागतमा दरबारमार्ग क्षेत्रको माहौल पूरै संगीतमय र राेमाञ्चक भएकाे थियो।