तेस्रो गोर्खाली रनिङ कप फुटसलको उपाधी नेपाल युनाईटेड ब्रदर्सलाई

काठमाडौं, श्रावण १७ ।
टोकियो ब्रदर्सको आयोजनामा गत आइतबार सम्पन्न तेस्रो गोर्खाली रनिङ कप फुटसल उपाधी नेपाल युनाईटेड ब्रदर्सले हात पारेको छ । फाईभ ए साइड फुटसल प्रतियोगितामा कुल २८ टिमले सहभागिता जनाएका थिए ।
सनसाईन फुटबल क्लबलाई ७ विरुद्ध शून्यको गोल अन्तरले हराउँदै युनाईटेडले उपाधीसंगै नगद दुई लाख २२ हजार दुईसय बाईस येन हात पार्यो भने उपविजेताले एक लाख ११ हजार एकसय ११ पायो ।
यस्तै तेस्रो स्थानमा पुगेको कालभैरव फुटबल क्लबले नगद ५५ हजार पाँचसय ५५ येन हात पारेको थियो । तेस्रो स्थानका लागि भएको प्रतिस्पर्धामा कालभैरवले हाईजिमा क्लबलाई ५ विरुद्ध शुन्य गोलले स्तब्ध बनायो ।
प्रतियोगितामा व्यक्तिगत उपाधी तर्फ वेस्ट डिफेन्स उपाधी खेमराज लिम्बु सनसाईन क्लब, हाईस्कोरर, बेस्ट प्लेयर र बेस्ट किपर उपाधी विजेता नेपाल युनाईटेडका खेलाडीहरू संगीत शाक्य, भिषण गौचन र सुशील शेरचनले नगद सहित पुरस्कृत भए ।
प्रतिक्रिया