भदौ १० गतेदेखि काठमाडौंमा मेयर कप फुटसल हुने

काठमाडौं, श्रावण ३१ ।
युवा संघ नेपाल वडा नं २५ र २७ को संयुक्त आयोजनामा आगामी भदौ १० देखि १७ गतेसम्म मेयर कप फुटसल हुने भएको छ ।
डल्लुस्थित नेपा फुटसल एण्ड रिक्रेसन प्रालि चःमतिमा हुने उक्त प्रतियोगितामा काठमाडौं महानगरपालिकाका ३२ वटा वडालाई सहभागिताका लागि अनुरोध गरिएको आज यहाँ आयोजित पत्रकार सम्मेलनमा प्रतियोगिताका संयोजक सुरज केसीले बताए ।
उक्त प्रतियोगितामा विजेता टोलीले रु.एक लाख तथा उपविजेताले रु.पचास हजार पुरस्कार पाउनेछन् । प्रतियोगितामा उत्कृष्ट खेलाडी, गोलकिपर र डिफेन्डर गरी तीन विधामा उत्कृष्ट घोषित हुनेलाई जनही रु.पाँच हजार प्रदान गरिने आयोजकले जनाएको छ ।
प्रतिक्रिया