पोखरामा मङ्गलबारदेखि तीज गीत र महिला भलिबल प्रतियोगिता

प्रकाशित मिति: ३ भाद्र २०७४, शनिबार १३:१८


पोखरा, भाद्र ३ ।
हरितालिका तीजका अवसरमा बागमारा युवा संगम समूह, कास्कीको आयोजनामा मङ्गलबारदेखि खुला तीज गीत एवं महिला भलिबल प्रतियोगिता हुने भएको छ ।

यहीँ भाद्र ६, ७ र ८ गते पोखरा लेखनाथ महानगरपालिका वडा नं ३३ पानी ट्याङ्की बागमारामा प्रतियोगिता आयोजना गर्न लागिएको समूहका अध्यक्ष एवं प्रतियोगिताका संयोजक प्रमोद आचार्यले जानकारी दिए ।

उक्त अवसरमा घैँटो फुटाउने, डोरी तान्ने प्रतियोगिताका साथै हास्य कलाकारको प्रस्तुति लगायत मनोरञ्जनात्मक कार्यक्रम सञ्चालन हुने जनाएको छ ।

तीज प्रतियोगितामा सहभागी समूहमध्ये प्रथम, द्वितीय, तृतीय र सान्त्वनालाई क्रमशः रु.२० हजार, रु.१२ हजार, रु.सात हजार र रु.तीन हजार पुरस्कारको व्यवस्था गरिएको प्रतियोगिताका सहसंयोजक श्रीधर पौडेलले जानकारी दिए ।

त्यस्तै, खुला भलिबल प्रतियोगितामा प्रथम द्वितीय र तृतीय बन्ने समूहलाई क्रमशः रु.४० हजार, रु.२५ हजार र तीन हजार प्रदान गरिने जनाएको छ ।


प्रतिक्रिया

ताजा खबर

More

वरिष्ठ पत्रकार रिसालको निधन, शरीर पाटन अस्पताललाई दान दिने निर्णय

काठमाडाैं, चैत २४ । वरिष्ठ पत्रकार भैरव रिसालको ९७ वर्षको उमेरमा निधन भएको छ । आज आइतबार.....