काठमाडौं, फागुन २१ ।
एक दिवसीय क्रिकेटअन्तर्गत कप्तान इयान मोर्गनको शतकीय योगदानको मद्दतमा इङ्गल्याण्डले वेष्ट इण्डिजलाई ४५ रनले पराजित गर्दै १ विरुद्ध शून्यले अग्रता लिएको छ ।

श्रृंखलाअन्तर्गत नर्थ साउण्डमा भएको पहिलो एक दिवसीय खेलमा टस हारेर पहिले ब्याटिङको निम्तो पाएको घरेलु टोलीले निर्धारित ५० ओभरमा ६ विकेट गुमाउँदै दुई सय ९६ रन जोड्यो ।

वेष्ट इण्डिजविरुद्ध चुनौतीपूर्ण स्कोर खडा गर्ने क्रममा कप्तान इयान मोर्गनले एक सय सात रनको योगदान गर्दा बेन स्टोक्सले ५५ तथा ओपनर साम बिलिङ्सले ५२ रन जोडेका थिए । खेलमा दुई सय ९७ रनको लक्ष्य पछ्याउँदै जवाफी ब्याटिङमा उत्रिएको वेष्ट इण्डिज ४७ दशमलब २ ओभरमा दुई सय ५१ रन बनाउँदै अलआउट भएको थियो ।

उसका लागि जासोन मोहम्मदले सर्वाधिक ७२ तथा जोनाथन कार्टरले ५२ रन जोडे पनि त्यसले टोलीलाई विजय गराउन अपुग भएको थियो ।

वेष्ट इण्डिजलाई रोक्ने क्रममा इङ्गल्याण्डका लियाम प्लंकेट र क्रिश वक्सले उत्कृष्ट प्रदर्शन गर्दै ४–४ विकेट लिएका थिए ।