बार्सिलोना र रियल मड्रिडको स्प्यानिस ला लिगामा बिजयी सुरुवात

काठमाडौं, भाद्र ५ ।
बार्सिलोना र रियल मड्रिडले स्प्यानिस ला लिगामा बिजयी सुरुवात गरेका छन् । घरेलु मैदान नाउ क्याम्पमा बार्साले रियल बेटिसलाई दुई विरुद्ध शून्य गोल अन्तरले पराजित गर्यो । अर्को खेलमा रियल मड्रिडले डिर्पोटिभो ला कोरुनालाई तीन विरुद्ध शून्य गोल अन्तरले पराजित गरेको हो ।
खेल सुरु भएको ३६ औं मिनेटमा बिपक्षी टिमको आत्मघाति गोल मार्फत अग्रता बनाएको बार्साका लागि ३० औं मिनेटमा सर्जि रोर्बटोले गोल थपेका थिए । भरपर्दो स्टाईकर लुईस स्वरेज घाइते भएपछि बार्सिलोनाको अग्रपंति कमजोर बनेको छ । अर्को खेलमा पहिलो हाफ मै कोरुनाबिरुद्ध दुई गोल गरेको रियलले दोस्रो हाफमा एक गोल थपेको थियो ।
२० औं मिनेटमा गारेथ वेलले गोल गर्दै रियलको खाता खोलेका थिए । २७ औं मिनेटमा कासिमिरोले गोल गर्दै अग्रता दोब्बर पारे । खेलको ६२ औं मिनेटमा टोनी क्रोसले गोल गर्दै रियललाई तीन विरुद्ध शून्यको जित दिलाएका हुन् । पाँच खेलको प्रतिबन्धका कारण रियलका पोर्चुगीज स्टाईकर क्रिष्टियानो रोनाल्डो भने मैदान बाहिर छन् ।
प्रतिक्रिया