काठमाडौं, भाद्र ५ ।
विश्व क्रिकेट लिग च्याम्पियनसिप अन्तर्गत हङकङ विरुद्धको खेलका लागि नेपाली टिमले भदौ २२ गतेबाट तयारी सुरु गर्ने भएको छ ।

हङकङमा अक्टोबर १३ र १५ तारिखमा हुन गइरहेको खेलका लागि नेपाली टिमले भदौको तेस्रो साता देखि तयारी सुरु गर्ने भएको हो । प्रतियोगिताका लागि सुरुवातमा २५ खेलाडी प्रशिक्षणमा बोलाइएको छ ।

यसअघि केन्या विरुद्ध टिममा रहेका अधिकांस खेलाडी हाल प्रशिक्षणमा बोलाइएको छ भने केहि अन्डर नाइन्टिन खेलाडी पनि रहेका छन् ।

यसपटक चोटका कारण टिममा पर्न नसकेका सौरभ खनाल र जितेन्द्र मुखियाले पनि कमब्याक गरेका छन् । यसअघि पोखरामा क्याम्प राख्ने सोचमा टिम रहेपनि अन्तत काठमाडौमा नै बन्द प्रशिक्षण राखिने भएको छ ।

सुरुवातमा फिटनेस र त्यसपछि केहि अभ्यास खेल पछि टिमको दोस्रो चरणको नामावली सार्वजनिक हुनेछ । हाल अन्डर नाइन्टिन टिम बन्द प्रशिक्षणमा हुदाँ दुबै टिमको अभ्यास तालिका समायोजन गर्नुपर्ने देखिएको छ । प्रतियोगितामा नेपालले दश खेलबाट आठ अंक बनाएको छ भने हङकङको ११ अंक छ ।