काठमाडौं, भाद्र १२ ।
लिभरपुलले उत्कृष्ट आक्रामक खेल प्रदर्शन गर्दा आर्सनल ४–० को लज्जास्पद हार बेहोर्न बाध्य बनेको छ ।

प्रिमियर लिगअन्तर्गत आइतबार भएको खेलमा आर्सन वेंगरले आश्चर्यजनकरूपमा नयाँ अनुबन्ध गरिएका अलेक्सान्डर लाकाजेटलाई बेन्चमा राखेका थिए । यता टोली भने लिभरपुलको तीव्र गतिको खेलसामु नतमस्तक बनेको थियो ।

खेलको १७ औँ मिनेटमा जो गोमेजको क्रसमा रोबर्टो फर्मिन्होले गोल गर्दै लिभरपुललाई अग्रता दिलाएका थिए ।

त्यसपछि साडियो मानेले लिभरपुलको अग्रता दोब्बर बनाए भने मोहमद शलाहले खेलको ५७ औँ मिनेटमा स्कोर ३–० पुर्‍याए । खेलको अन्त्यतिर ड्यानियल स्टरिजले अर्को गोल थप गरे ।

लिभरपुलले सन् २०१३ पछि घरेलु मैदानमा खेलिएका लगातार चार खेलमा गोल नखाएको यो पहिलो अवसर हो ।

यता, सन् २०१५ मा साउथह्याम्पटकसँग ४–० ले पराजित भएयता आर्सनलको यो सबैभन्दा ठूलो हार हो । पराजयसँगै आर्सनलले तीन खेलमध्ये दुई खेल हार्न पुगेको छ ।

यो सिजन सबैभन्दा धेरै गोल खाने टोलीमा आर्सनल ९८० वेस्टह्याम ९१०० पछि दोस्रो स्थानमा रहेको छ ।

अझ यो खेलमा आर्सनलको एउटा पनि प्रहार विपक्षीको पोष्टमा हुन सकेन । तथ्याङ्कमा हेर्दा आर्सनलले घरेलु मैदानबाहिर खेलिएका पछिल्ला १४ खेल मध्ये ९ मा हार बेहोरेको छ ।