काठमाडौं, पुस १९ ।
प्रसिद्ध हाँस्य व्यंग्यकार स्वर्गीय भैरव अर्यालको स्मृतिमा स्थापित भैरव पुरस्कार चट्याङ मास्टर (कृष्णमुरारी गौतम) लाई प्रदान गरिने भएको छ ।

त्यसैगरी, भैरव पुरस्कार गुठीका अध्यक्ष रोचक घिमिरेको सभापतित्वमा बसेको बैठकले भैरव प्रतिभा पुरस्कार पोखराका शेषराज भट्टराईलाई प्रदान गर्ने निर्णय गरेको छ । प्रत्येक दुई वर्षको अन्तरालमा दिइने भैरव पुरस्कारको राशी रु. ५० हजार तथा भैरव प्रतिभा पुरस्कारको राशी रु. २५ हजार रहेको छ ।

गुठीका सचिव बसन्त रिजालले गौतम तथा भट्टराईलाई २०७१/०७२ सालका लागि उत्कृष्ट हाँस्य व्यंग्यकारका रूपमा पुरस्कृत गर्न लागिएको जानकारी दिए । अर्यालकै स्मृतिमा आयोजना गरिएको काठमाडौं क्षेत्र नं. २ र ३ स्तरीय माध्यामिक विद्यालयबीच हाँस्य व्यंग्य प्रतियोगितामा बिजयीको नाम पनि गुठीले घोषणा गरेको छ ।

सबै पुरस्कार यही पुस २९ गते एक कार्यक्रमबीच वितरण गरिने गुठीले जनाएको छ ।