काठमाडौं, पुस २० ।
सरकारले नियम मिचेर आफ्ना घरहरू भत्काएको विरोधमा काठमाडौं उपत्यका संघर्ष समितिले आव्हान गरेको उपत्यका बन्दको प्रभाव आंशिक रूपमा प्रभाव परेको छ ।

बिहानैदेखि संघर्ष समितिका कार्यकर्ताहरू सडकमा ओर्लिएका छन् । सार्वजनिक सवारी साधनको उपस्थिति पातलो भए पनि उपत्यकामा निजी सवारी साधन पनि कमै मात्र गुडेको छ ।

बन्दका कारण बिहानैदेखि राजधानीका विभिन्न स्थानहरू शून्य जस्तै देखिएको छ । बन्दमा प्रेस, एम्बुलेन्स, दूध बोक्ने गाडी, पानी बोक्ने गाडी र अत्यावश्यक सवारी साधन बाहेक छिटफुट मात्र सवारी साधन चलेका छन् ।

आजको बन्दमा विभिन्न राजनीतिक दलसँग आबद्ध मोर्चाहरूले समेत ऐक्यबद्धता जनाएका छन् ।