ललितपुर, पुस २३ ।
समाज अनि आफन्तको अगाडि आफ्नो कर्तुत पर्दाफास हुने डरले चापागाउँ निवासी एक अविवाहित युवतीले जन्म दिने बित्तिकै आफ्नै शिशुलाई शौचालयमा लगेर ब्लेडले घाँटी काटी हत्या गरेकी छन् ।

सिन्धुपाल्चोक जिल्लाको इर्खु गाविस घर भएकी १८ वर्षीया अनिषा तामाङले समाजबाट लुकाउनका एक हप्ता अघि शिशुको हत्या गरेको प्रहरी अनुसन्धानका क्रममा खुलेको छ । केही समयदेखि उनी दिदी भिनाजुसँगै बस्दै आएकी थिइन् ।

तामाङको नातामा दाजु पर्ने कृष्णबहादुर तामाङलाई पनि सो घटनामा सहयोग गरेको अभियोगमा प्रहरीले पक्राउ गरेको छ ।

दुबै जनाले प्रहरीसमक्ष अभियोग स्वीकार गरिसकेको चापागाउँस्थित महानगरीय प्रहरी वृत्तका प्रमुख प्रहरी नायब उपरीक्षक श्यामकुमार राईले जानकारी दिए ।