काठमाडौं, पुस २४ ।
राजधानीकै अति व्यस्त भइरहने मूल सडक नक्सालको भगवती बहालमा आज बिहान एकाएक ठूलो भ्वाङ परेपछि सवारी आवागमनमा समस्या उत्पन्न भएको छ ।

दुई लेनको अति व्यस्त रहने सडकको एकातिरको पूरै भाग भाँसिएर ठूलो भ्वाङ परेपछि अहिले स्थानीयहरूको भीडसमेत जम्मा भएको छ भने त्यसको आसपासमा रहेको घरका बासिन्दाहरू भ्वाङ परेपछि चिन्तित बनेका छन् ।

उक्त सडक एकाएक त्यसरी भ्वाङ पर्नुको वास्तविक कारण भने अझै पत्ता लागेको छैन । तर एक स्थानीयले बताएअनुसार भगवती बहालको मूल सडकनजिकै बनिरहेको होटलको जग गहिरो खनेको कारण सडक भाँसिएको हुनसक्ने अनुमान गरिएको छ ।

त्यसरी सडक भ्वाङ परेपछि महानगरीय ट्राफिक प्रहरीले सो रुट भएर गुड्ने सवारी साधनहरूलाई वैकल्पिक मार्ग प्रयोग गरेर हिँड्न सबैमा अनुरोधसमेत गरेका छन् ।