पोखरा, पुस २७ ।
कास्कीको लेखनाथ–८ सिसुवास्थित डुडाकोमुखमा ग्याँस सिलिण्डिर लिक भएर आगलागी हुँदा पाँच जना घाइते भएका छन् ।

लेखनाथ–८ सिसुवाका रुकु थापा, महेश थापा, बसन्धरी पौडेल, सरास्वती भण्डारी र लक्ष्मी अधिकारी घाइते भएको प्रहरीले जनाएको छ । घाइते मध्ये रुकु थापाको अवस्था गम्भीर रहेको प्रहरीले जनाएको छ । घाइतेहरूको पोखराको मणिपाल शिक्षण अस्पतालमा उपचार भइरहेको जिल्ला प्रहरी कार्यालय कास्कीले जनाएको छ ।

खाना पकाउँदा सिलिण्डर ग्याँस लिक भएर पड्किँदा उनीहरू घाइते भएका हुन् । यस्तै पोखराको बाराही चोकमा रहेको ट्राइ स्टार रेष्टुरेण्टमा गएराति आगलागी भएको छ । आगलागीले रेष्टुरेण्टमा क्षति पुगेको छ । काठैकाठले निर्मित रेष्टुरेण्ट स्थानीय धमेन्द्र बाटाजुले एक वर्षअघि सुरु गरेका थिए ।

पोखरा उपमहानगरपालिका र पोखरा एयरपोर्टका तीन वटा दमकलको सहायतामा आगो नियन्त्रणमा लिइएको हो । प्रहरीकाअनुसार क्षेत्रीय प्रहरी कार्यालय, जिल्ला प्रहरी कार्यालय, वडा प्रहरी कार्यालय बैदाम, गण, नेपाली सेना, सशस्त्र प्रहरी तथा स्थानीय बासिन्दा आगो नियन्त्रणमा खटिएका थिए । आगलागीबाट दुई वटा मोटर साइकल पनि जलेका छन् ।