काठमाडौं, बैशाख ७ ।
नेपाल र अमेरिकाबीच व्यापार तथा लगानी सम्झौता (टिफा)को तेश्रो बैठक आज राजधानीमा आयोजना हुने भएको छ ।

नेपाली उत्पादनलाई अमेरिकी बजारमा प्रबद्र्धन एवं बिक्री अभिवृद्धि गर्ने मूल उद्देश्यले नेपाल र अमेरिकाबीच २०६८ सालमा टिफा सम्झौता भएको थियो ।

नेपालमा अमेरिकी लगानी आकर्षित गर्न तथा नेपाली वस्तु र सेवाको व्यापार विस्तारमा सघाउन उक्त सम्झौता भएको हो ।

बैठकमा सहभागिता जनाउन अमेरिकी सरकारका उच्च अधिकारीहरू पनि राजधानी पुगिसकेका छन् ।