काठमाडौं, बैशाख १० ।
नेकपा (एमाले)का अध्यक्ष केपी शर्मा ओलीसँग छलफल गरेर प्रधानमन्त्री पुष्पकमल दाहाल सिंहदरबार फर्किएका छन् ।

उनी फर्किए लगत्तै मन्त्रिपरिषद्को बैठक सुरु भएको छ । सरकार र मोर्चाबीच शनिबार भएको सहमतिबारे छलफल गर्न ओली निवास पुगेका हुन् । सरकार र मधेशी मोर्चाबीच संविधान संशोधन तथा स्थानीय तहको चुनावलाई प्रमुख प्रतिपक्षी दलका नेता ओलीले सकारात्मक भएको बताए ।

मोर्चासँग सरकारले गरेको सहमतिअनुसार दुई चरणमा चुनाव गर्ने प्रस्तावमा ओली सहमत भएको र संविधान संशोधनका बारेमा प्रस्ताव हेरेर अघि बढ्ने भएका छन् ।

आजको मन्त्रिपरिषद् बैठकले निर्वाचन दुई चरणमा गर्ने, स्थानीय तहको संख्या थप, सीमांकन हेरफेरका लागि बनाइने संघीय आयोगको संरचना निर्माण लगायतका विषयमा निर्णय हुने जनाइएको छ ।