काठमाडौं, बैशाख ३ ।
जारी रहेको इङ्गलिस प्रिमियर लिग (ईपीएल)अन्तर्गत गएराति भएको प्रतिस्पर्धात्मक खेलमा आर्सनलद्वारा वाटफोर्ड १ विरुद्ध शून्य गोलले पराजित भएको छ । वाटफोर्डको मैदानमा कठिन जित दर्ता गर्दै आर्सनल लिगको चौथो स्थानमा उक्लिएको छ ।

खेलको १० औँ मिनेटमा पिएरे इमरिक औबामियाङको गोलबाट अग्रता लिएको आर्सनलका लागि थप गोल हुन नसक्दा सोही गोल निर्णायक गोल हुन पुगेको थियो । खेलको दोश्रो हाफसम्म गोलरहित रहेको थियो । वाटफोर्डका तर्फबाट कसैले गोल गर्न नसक्दा आर्सनलले जित निकालेको हो ।

जितसँगै ३३ खेल खेलेको आर्सनल ६६ अंकसहित चौथो स्थानमा पुगेको छ । आर्सनलको एक खेल बढी खेलेको चेल्सीसँग अंक बराबरी भए पनि गोल अन्तरमा आर्सनल अगाडि रहेको छ । ८५ अंकसहित लिभरपुल शीर्ष तथा म्यानचेस्टर सिटी ८३ अंक जोडेर दोश्रो स्थानमा रहेको छ ।