काठमाडौं, बैशाख ६ ।
जापानको ओसाकामा हुन गइरहेको १७ औँ वाता ओपन अन्तर महादेशीय तेक्वान्दो च्याम्पियनशीपमा नेपाल तेक्वान्दो संघको तर्फबाट भाग लिन नेपालबाट सहभागी तेक्वान्दो खेलाडीहरूलाई सिटी एक्सप्रेसको तर्फबाट सफलताको शुभकामना दिँदै सम्पूर्ण खेलाडीहरूलाई सिटी एक्सप्रेसले ट्रयाक सुट उपलब्ध गराई सहयोग गरेको छ ।

उक्त वाता ओपन अन्तर महादेशीय तेक्वान्दो च्याम्पियनशीप, जापानको ओशाकामा यहीँ अप्रिल २० तारिकदेखि सुरु हुँदैछ । विश्वका विभिन्न मुलुकबाट सहभागिता जनाइने उक्त च्याम्पियनशीपमा नेपालले पनि भाग लिन लागेको हो । सिटी एक्सप्रेसले रेमिटान्स क्षेत्रमा आफ्नो छुट्टै पहिचान बनाउँदै विगत १२ वर्षदेखि विश्वभरी आफ्नो रेमिट एजेण्टहरूबाट ७,००० भन्दा बढी नेपालको एजेण्टहरूमार्फत भुक्तानी प्रदान गर्दै आइरहेको कम्पनीद्वारा जारी गरिएको प्रेस विज्ञप्तिमा उल्लेख गरिएको छ ।