काठमाडौं, बैशाख १६ ।
नेपाल राष्ट्र बैंकबाट ‘क’ वर्गको ईजाजत पत्र प्राप्त संस्था नबिल बैंक लिमिटेड र Play for Deprived Children Nepal (PDCN) बीच सम्झौता भएको छ । उक्त सम्झौता विशेषतः बास्केटबल खेलमा आबद्ध रहेका युवाहरूको सक्रियता प्रबद्र्धन गर्नको लागि बैंकले नेपाल बास्केटबल लिगको बैंकिङ साझेदार गरेको हो ।

काठमाडौंको महाराजगञ्जस्थित नेपाल पुलिसको प्रिशिक्षणालयमा आज आयोजित एक कार्यक्रममा नेपाली राष्ट्रिय टोलीका कप्तान सदिना श्रेष्ठ र सधिश प्रधानको उपस्थितिमा नबिल बैंकका प्रमुख कार्यकारी अधिकृत अनिल केशरी शाह र Play for Deprived Children Nepal का अध्यक्ष अरुण कार्कीले संयुक्त रूपमा सम्झौता पत्रमा हस्ताक्षर गरेका हुन् ।

नेपाल बास्केटबल लिग बैशाख १५, २०७६ बाट सुरु भएर श्रावण ६, २०७६ मा समापन हुनेछ । एम्ऋल् का अध्यक्षकाअनुसार प्रतियोगिता ५५ दिनसम्म चल्नेछ । प्रतियोगितामा प्रथम, द्वितीय र तृतीय स्थान हासिल गर्ने विजयी टोलीले क्रमशः रु. २००,०००/– रु. १००,०००/– र रु. ५०,०००/– नगद पुरस्कार प्राप्त गर्ने छन् ।

कार्यक्रममा नबिल बैंकका प्रमुख कार्यकारी अधिकृत शाहले सम्झौताबारे प्रकाश पार्दै भने, “हामी नेपाल बास्केटबल लिगको बैंकिङ साझेदार बन्न पाउँदा अन्त्यन्तै हर्षित छौ किनकि हामी विश्वस्त छौ कि यो प्रतियोगिताको सम्रचनाले बास्केटबल खेललाई देशैभर राम्रो गति प्रदान गर्ने कुरामा दुई मत नहोला । लिगको हिस्सेदार बन्न पाउनु नबिल बैंकको सौभाग्य हो र नबिल बैंकले यो प्रतियोगिता वास्तवमै अविस्मरणीय रूपमा सम्पन्न होस् भन्ने अपेक्षा राख्दछ ।”