काठमाडाैं, बैशाख २२ ।
इङ्गलिश प्रिमियर लिगअन्तर्गत आज भएकाे खेलमा चेल्सीले वाटफोर्डलाई पराजित गर्दै लिगको तेश्राे स्थानमा उक्लिएको छ ।

आज सम्पन्न खेलमा चेल्सीले वाटफोर्डलाई ३ विरुद्ध शून्य गोलअन्तरले पराजित गरेको हो । चेल्सीलाई जिताउन लोफ्टस चीक, डेभिड लुइस र गोन्जालो हुगैनले एक–एक गोल गरेका थिए । चेल्सीका लागि इडेन हजार्डले दुई गोल असिस्ट गरेका थिए ।

जितपछि चेल्सी ३७ खेलमा ७१ अंक प्राप्त गर्दै प्रिमियर लिगमा एक खेल खेल्न बाँकी रहँदा तेश्राे स्थानमा उक्लिएको छ । वाटफोर्डको भने ३७ खेलमा ५० अंक बटुल्दै लिगको १० औँ स्थानमा रहेको छ ।