काठमाडाैं, जेठ ५ ।
जारी रहेकाे एफए कपअन्तर्गत गएराति वेम्बली रङ्गशालामा सम्पन्न निक्कै प्रतिस्पर्धात्मक फाइनल खेलमा वाटफाेर्टलाई आधा दर्जन गाेल गरी म्यानचेष्टर सिटीले यस सिजनकाे एफए कपकाे उपाधिमाथि कब्जा गरेकाे छ ।

याे जितसँगै म्यान्चेस्टर सिटीले कीर्तिमान कायम गरी यस सिजनको अन्त्य गरेको छ । सिटीले इङ्गलिस फुटबलका तीन वटै मुख्य प्रतियोगिताको उपाधि जित्न सफल भएकाे छ ।

इङ्गलिस क्लबको पुरुष टीमले एकै सिजन प्रिमियर लिग, एफए कप र लिग कपको उपाधि एकै सिजनमा जितेको यो नै पहिलो पटक थियाे । सिजनको तेश्राे उपाधि दिलाउने क्रममा वाटफोर्टलाई ६ विरुद्ध शून्य गोलले पराजित गर्दा पेप ग्वार्डिओलाको टोली सिटीका लागि रहिम स्टर्लिङ र ग्याव्रियल जेससले २–२ गोल गरेका थिए ।

पूरै सिजन प्रभावशाली देखिएको म्यानचेस्टर सिटीले वाटफोर्टविरुद्ध पनि एकपक्षीय हाबी हुन पुगेकाे थियाे । सन् १९०३ को सिजनमा बरीले डर्बीलाई ६ विरुद्ध शून्य गाेलले नै हराएपछि एफए कपमा सबैभन्दा ठूलो अन्तरको जितसमेत भएकाे छ ।

२६ औँ मिनेटमा डेभिड सिल्भाले सिटीका लागि गोलको खाता खोलेका थिए । पहिलो हाफमा ३ विरुद्ध शून्य गाेलको अग्रता कायम गर्ने क्रममा जेसस र बर्नान्डो शिल्भाले गोल गरे । दोश्राे हाफमा स्टर्लिङले २ गोल गर्दा जेससले १ गोल थप गरेका थिए ।

म्यानचेष्टर सिटीले छैटौँ पटक एफए कपको उपाधि उचालेको हो भने ग्वार्डिओलाको प्रशिक्षणमा पहिलो पटक । सन् २०१६ मा म्यान्चेष्टर आएयता ग्वार्डिओलाले सिटीलाई ६ उपाधि दिलाइसकेका छन् । तर, उनी सिटीलाई च्याम्पियन्स लिगमा सफलता दिलाउन तल्लिन देखिन्छन् ।