काठमाडाैं, जेठ ११ ।
स्पेनिस फुटबल क्लब बार्सिलोनाका स्ट्राइकर लियोनल मेस्सीद्वारा लगातार तेश्राे पटक पनि गोल्डेन बुट अवार्ड हात पार्न सफल भएका छन् । युरोपियन लिगको यस सिजनमा सर्वाधिक गोलकर्ता बन्दै मेस्सीले गोल्डेन बुटको अवार्ड हात पारेका हुन् । अर्जेन्टिनाका मेस्सीले यस सिजनमा ३६ गोल गरेका थिए ।

योसँगै मेस्सीले लगातार तेश्राे सिजन गोल्डेन बुट जित्ने पहिलो खेलाडी बन्दै कीर्तिमानसमेत बनाएका छन् । मेस्सीको यो समग्रमा छैठाैँ गोल्डेन बुट हो । मेस्सीभन्दा पछि युभेन्ट्सका स्ट्राइकर क्रिस्टियानो रोनाल्डो रहेका छन् ।

उनले चार पटक गोल्डेन बुटको अवार्ड जितेका छन् । यो अवार्ड जित्न मेस्सीले पेरिस सेन्ट जर्मेनका स्ट्राइकर केलियन एमबाप्पेलाई तीन गोलले पछि पारेका छन् ।

शुक्रबार भएको सिजनको अन्तिम खेलमा रिम्सविरुद्ध एक गोल गरेका एमबाप्पेले ३३ गोल गरेका छन् ।

गत सिजन मेस्सीले ३४ गोल गर्दै लगातार दोश्राे सिजन गोल्डेन बुट अवार्ड जितेका थिए ।

त्यसअघि मेस्सीले सन् २००९/०१० मा ३४ गोल, २०११/०१२ मा ५०, २०१२/०१३ मा ४६ र २०१६/०१७ मा ३७ गोल गर्दै गोल्डेन बुट हात पार्न सफल भएका थिए ।