काठमाडाैं, जेठ २८ ।
जारी रहेकाे यूरोकप छनौटअन्तर्गत स्पेनले लगातार अर्को जित दर्ता गर्न सफल भएकाे छ । गएराति सम्पन्न साे खेलमा स्पेनले स्वीडेनलाई ३ विरुद्ध शून्य गोल अन्तरले पराजित गर्दै अहिलेसम्म लगातार चार खेलमा जित हासिल गरिसकेको छ ।

स्पेनलाई जिताउन सर्जियो रामोस र अल्भारो मोराटाले पेनाल्टीमार्फत एक–एक गोल गरेका थिए भने अर्को गोल मिकेल ओयारजाबालले गरेका थिए ।

पहिलो हाफसम्म बिना कुनै गोल सकिएको खेलमा स्पेनले तिन वटै गाेल दोश्राे हाफमा गरेको थियो ।

जितसँगै स्पेन यूरोकप छनौटको समूह ‘एफ’काे चार खेलमा सबै खेल जितेर १२ अंकसहित शीर्ष स्थानमा रहेको छ भने स्वीडेन चार खेलमा ७ अंकसहित तेश्राे स्थानमा रहेको छ ।

यूरोकप छनौटका स्पेन र स्वीडेनकाे अन्य खेल आगामी सेप्टेम्बरमा मात्र हुने छन् ।