काठमाडाैं, असार २ ।
जारी रहेकाे कोपा अमेरिका कपअन्तर्गत आज बिहान भएकाे प्रतिस्पर्धात्मक खेलमा उरुग्वेले इक्वेडरलाई चार विरुद्ध शून्य गाेलको भारी अन्तरले पराजित गरेकाे छ । साे खेलमा उरुग्वेले इक्वेडरमाथि फराकिलो जित निकाल्न सफल भएकाे हाे ।

एक तर्फी जस्तो देखिएकाे खेलको छैटौँ मिनेटमा नै उरुग्वेका लागि लोडीरोले पहिलाे गाेल गर्दै टीमलाई अग्रता दिलाएका थिए । त्यसपछि ३३ औँ मिनेटमा काभानीले उसको अन्तर दुई शून्यमा पुर्‍यायो । ४४ औँ मिनेटमा लुइस स्वारेजको गोलमा उरुग्वे पहिलो हाफमा नै तीन शून्य गाेलले अगाडि रहेकाे थियाे ।

दोश्राे हाफमा भने उरुग्वेले थप अन्य गाेल गर्ने राम्रा अवसर पाए तापनि गोल भने गर्न सकेन । तर, ७८ औँ मिनेटमा इक्वेडरका मिनाले आत्मघाती गोल गरेपछि उरुग्वे चार शून्यले अगाडि रही विजयी हुन पुगेकाे हाे ।

त्यसअघि भएको खेलमा कतारले पाराग्वेलाई दुई–दुई गोलको बराबरीमा रोक्न सफल भएकाे छ ।