काठमाडाैं, असार १८ ।
भुटानको थिम्पुमा मंगलबारदेखि ५ औँ भारत–भुटान मैत्री टेनिस प्रतियोगिता सुरु भएको छ। प्रतियोगितामा नेपाल, भारत, बंगलादेश र भुटानका गरी ७२ खेलाडीहरूको सहभागिता रहेकाे छ। मेन्स सिंगल्स, लेडिज सिंगल्स, ४५ समूहको भेट्रान्स सिंगल्सका खेलहरू समावेश गरिएका छन्।

नेपालको तर्फबाट मेन्स सिंगल्समा एवन लिसानेविच र राप्रपा अध्यक्ष कमल थापा, लेडिज सिंगल्समा असलेषा लिसानेविच तथा ४५ं सिंगल्समा राप्रपा अध्यक्ष कमल थापा, चाम्बा धोण्डुप र प्रताप मोक्तानले सहभागिता जनाएका थिए ।

मंगलबार मेन्स सिंगल्सको पहिलो राउण्डमा नेपालका कमल थापाले भुटानका टासी दोर्जे लाई (७–५–७–६) र एवन लिसानेविचले भुटान कै जिग्मे नोर्बु लाई (६–०–६–२) मा पराजित गरेका हुन्। लेडिज सिंगल्सको पहिलो राउण्डमा नेपालकी असलेषाले भुटानकी चेन्चो डेमलाई (६–०–६–०) मा पराजित गरेकी थिइन् ।