काठमाडाैं, असाेज ५ ।
जारी रहेकाे यू–१८ च्याम्पियनशीप फुटबलअन्तर्गत आज नेपालले समूह चरणकाे अन्तिम खेल भुटानसँग प्रतिस्पर्धा गर्ने भएकाे छ । आज हुने नेपाल र भुटानबीचको खेल सशस्त्र प्रहरीकाे काठमाडाैंस्थित हलचोक मैदानमा दिउँसो ३ बजेदेखि सुरु हुनेछ ।

सन् २०१५ देखि आयोजना गरिँदै आएको साफ यू–१८ फुटबलमा दुबै संस्करणको उपाधि नेपालले जितेको छ भने तेश्राे पटक पनि उपाधि जित्ने अभियानमा रहेको नेपाललाई भुटानविरुद्ध सहज जित आवश्यक पर्ने छ ।

पहिलो पटक नेपालमै आयोजना भएको यू–१८ साफ च्याम्पियनशीपको उपाधि नेपालले नै जितेको थियो भने भुटानमा भएको दोश्राे संस्करणको उपाधि पनि नेपालले जितेको थियो । नेपालले सन् २०१७ मा भएको दोश्राे संस्करणमा पहिलो खेलमा भुटानसँग १ विरुद्ध शून्य गाेलले पराजित हुन पुगेकाे थियो ।