काठमाडाैं, असाेज २८ ।
जारी रहेकाे यूरोकप–२०२० छनौटअन्तर्गत इङ्गल्याण्डद्वारा बुल्गेरिया फराकिलो गाेलअन्तरले पराजित भएकाे छ ।

समूह ‘ए’ अन्तर्गतको गएराति सम्पन्न खेलमा इङ्गल्याण्डले बुल्गेरियालाई ६ विरुद्ध शून्य गोल अन्तरले पराजित गरेको हो ।

इङ्गल्याण्डको जितमा रोज बार्कली र रहिम स्टरलिङले २-२ गोल गरे भने ह्यारी केन र मार्कस राशफोर्डले एक–एक गोल गरेका थिए ।
यसअघि चेक रिपब्लिकविरुद्ध अप्रत्याशित हार बेहोरेको इङ्गल्याण्ड विजयी लयमा फर्किँदै महत्वपूर्ण जित हासिल गरेको हो ।

जितपछि इङ्गल्याण्डको समूह ‘ए’ मा ६ खेलमा १५ अंक प्राप्त गरेकाे छ भने अंक तालिकामा शीर्ष स्थानमा समेत उक्लिएको छ । त्यस्तै समूह ‘ए’ मा चेक रिपब्लिक ६ खेलसहित १२ अंक प्राप्त गरी दोश्राे स्थानमा रहेकाे छ । त्यस्तै कोसोभोको ६ खेलमा ११ अंक रहेको छ ।

बुल्गेरियाको भने ७ खेलसम्म पूरा हुँदा मात्र ३ अंक प्राप्त गरेकाे छ ।