काठमाडाैं, चैत्र २५ ।
नेपाल विद्यार्थी संघले सरकारविरुद्ध सिंहदरबारको दक्षिण गेटअगाडि प्रदर्शन गरेको छ । जनताको संविधान कार्यान्वयन गर्नुपर्ने, नागरिकको उपचार राज्यले गर्नुपर्ने, नि:शुल्क शिक्षाको व्यवस्था गर्नुपर्नेलगायतका माग राख्दै नेविसंघले प्रदर्शन गरेको हो ।

सिंहदरबार क्षेत्रमा नै प्रदर्शन भएपछि प्रहरीले हस्तक्षेप गरेको थियो । सोही क्रममा केही विद्यार्थीहरूलाई प्रहरीले नियन्त्रणमा लिएको थियो । भ्रष्टाचार नियन्त्रणका लागि सरकारले कुनै कदम चाल्न नसकेको, सहकारी प्रकरणमा गृहमन्त्रीमाथि अनुसन्धान गर्नुपर्ने भन्दै उनीहरूले नारासमेत लगाएका थिए ।