काठमाडाैं, बैशाख १ ।
काठमाडाैंमा आज शनिबार भएको स्कुटर दुर्घटनामा परी एक जनाको मृत्यु भएको छ । काठमाडाैं महानगरपालिका-३२ कोटेश्वर मुनिभरैव बस पकेटनजिक सडकमा तीनकुनेबाट कोटेश्वरतर्फ जाँदै गरेको वागमती प्रदेश ०२-०२६ प ६००२ नम्बरको स्कुटर दुर्घटनामा परेको हो ।

दुर्घटनामा स्कुटर चालक काठमाडाैं महानगरपालिका पेप्सीकोला बस्ने ५२ वर्षीय रामशरण केसीको मृत्यु भएको जिल्ला प्रहरी परिसर काठमाडाैंले जानकारी दिएकाे छ । दुर्घटनामा परी गम्भीर घाइते भएका उनको नयाँ बानेश्वरस्थित सिभिल अस्पतालमा उपचारका क्रममा मृत्यु भएको प्रहरीले जनाएको छ ।