काठमाडाैं, जेठ १ ।
सरकारले गरिब घर-परिवारलाई निःशुल्क बीमासँगै विद्युतीय चुलो र ट्युबेल दिने घोषणा गरेको छ ।

राष्ट्रपति रामचन्द्र पौडेलले संसद्का दुबै सदनको संयुक्त बैठकमा आगामी आव २०८१/०८२ का लागि सरकारको नीति तथा कार्यक्रम वाचन गर्दै साे कुरा उल्लेख गरेका हुन् ।

‘गरिब घर परिवारको निःशुल्क बीमा गरिने, विद्युतीय चुलो वितरण गर्ने र जमिनमुनिको पानी तान्ने ट्युबेल वितरण गरिनेछ,’ आज मंगलबार प्रस्तुत नीति तथा कार्यक्रम पढ्दै पौडेलले भनेका हुन् ।