काठमाडाैं, मंसिर २ ।
झापामा ट्रकले ठक्कर दिँदा स्कुटरमा सवार रहेको एक युवतीको मृत्यु भएको छ ।

पूर्वपश्चिम राजमार्गमा पर्ने बिर्तामोड नगरपालिका-२ स्थित रामचोकमा गएराति ना. ३ ख ४३६४ नम्बरको ट्रकले ठक्कर दिँदा झापाकै शिवसताक्षी-७ बस्ने २२ वर्षीया रोजी कटुवालको मृत्यु भएको जिल्ला प्रहरी कार्यालय झापाले जनाएको छ ।

कटुवाल मे. १० प ६०१७ नम्बरको स्कुटरमा सवार थिइन् ।

दुर्घटनामा गम्भीर घाइते भएकी कटुवाललाई बिर्तासिटी अस्पतालमा सामान्य उपचारपछि थप उपचारको लागि बी एण्ड सी अस्पताल लगिएको थियो । उपचारकै क्रममा उनको मृत्यु भएको प्रहरीले जनाएको छ ।

स्कुटरको पछाडि सवार सोही ठाउँकी २८ वर्षीया सरिता राउत दुर्घटनामा सामान्य घाइते भएकी छन् । दुर्घटनापछि ट्रक चालक अर्जुनधारा-९ बस्ने ५२ वर्षीय राजकुमार कार्कीलाई प्रहरीले पक्राउ गरेको छ ।