काठमाडाैं, माघ २४ ।
नेपाली बजारमा सुनचाँदी कारोबारको पाँचौँ दिन आज बिहीबार पनि सुनको मूल्य तोलामा १ हजार ६ सय रुपैयाँले बढेको छ । बुधबार प्रति तोला १ लाख ६६ हजार ९ सय रुपैयाँ रहेको छापावाल सुनको मूल्य बिहीबार बढेर १ लाख ६८ हजार ५ सय रुपैयाँ पुगेको हो ।

यता, चाँदी तोलामा ५ रुपैयाँले बढेको महासङ्घले जनाएको छ । यसअघि तोलामा १ हजार ९ सय ७५ रुपैयाँ रहेको चाँदीलाई आज १ हजार ९ सय ८० रुपैयाँ पुगेको नेपाल सुनचाँदी व्यावसायी महासङ्घले जनाएको छ ।