काठमाडाैं, फागुन ६ ।
एमएडब्लू अर्थमुभर्स (प्रा.) लि.ले JCB इण्डियासँगको सहकार्यमा JCB NXT सिरिजका नवीनतम एक्साभेटरहरू JCB NXT 221 LC फ्युल मास्टर र JCB NXT 225 LCM ट्रयाक्ड एक्साभेटरहरू सफलतापूर्वक लञ्च गरेको छ । ललितपुर महानगरपालिकाको झम्सिखेलस्थित द प्लाजामा सम्पन्न भव्य लञ्च कार्यक्रममा सरकारी प्रतिनिधि, निर्माण उद्योगका अग्रणी, ग्राहक र डिलरहरूसहित करिब ७ सय जनाभन्दा बढी सरोकारवालाहरूको उल्लेख्य सहभागिता रहेको थियो ।

कार्यक्रममा विशेष मेसिन प्रस्तुतिकरणको प्रदर्शनीपश्चात् JCB एक्साभेटर खरिद गर्ने ११ जना ग्राहकहरूलाई साँचो हस्तान्तरणसमेत गरिएको थियो । उक्त कार्यक्रममा JCB इण्डियाका सीईओ तथा एमडी दीपक शेट्टी र एमएडब्लू अर्थमुभर्स (प्रा.) लि.का अध्यक्ष विष्णु अग्रवालको विशेष सहभागिता रहेको थियो ।

“लिडर इन एक्साभेटरस᳭᳭” भन्ने थिममा आधारित शुभारम्भ कार्यक्रमले नेपालको विकासशील पूर्वाधार बजारको लागि अति उपर्युक्त र टिकाउ उत्खनन् मेसिनरी उत्पादन गर्ने JCB को प्रतिबद्धतामा प्रकाश पारेको थियो । JCB NXT 221 LC फ्युल मास्टरले उच्चतम ऊर्जा दक्षता प्रदान गर्दै जटिल उत्खनन् कार्यहरूमा प्रभावकारी कार्य गर्दछ भने JCB NXT 225 LCM ट्रयाक्ड एक्साभेटरले उत्पदकत्त्व वृद्धिका लागि असाधारण हाइड्रोलिक सुविधाहरू प्रदान गर्दछ । यस उत्पादन लाइनले नेपालको सडक पूर्वाधार विकास, जलविद्युत र शहरी विस्तार परियोजनाहरूमा बढेको सार्वजनिक लगानीसँगै राष्ट्रिय पूर्वाधार परियोजनाहरूलाई अगाडि बढाउन व्यापक सहयोग गर्नेछ ।

कार्यक्रममा एमएडब्लू अर्थमुभर्स (प्रा.) लि.का अध्यक्ष विष्णु अग्रवालले यी नयाँ एक्साभेटरहरूले नेपालको लागि भरपर्दो सेवामूलक नवप्रवर्तनहरू प्रदान गर्दै निर्माण उद्योगको दक्षता बढाउने घोषणासमेत गरेका छन् । त्यस्तै, JCB इण्डियाका सीईओ तथा एमडी दीपक शेट्टीले JCB ले सञ्चालन कार्यसम्पादनमा सुधार गर्न उन्नत प्रविधि र दीगो समाधानहरू प्रस्तुत गर्न जारी राख्नेमा जाेडसमेत दिएका छन् ।

JCB NXT शृंखलाको यो सुरुवात नेपालको निर्माण उद्योगलाई अत्याधुनिक मेसिनरी आपूर्ति गर्ने JCB को समर्पणमा प्राप्त उपलब्धिको ताजा उदाहरण रहेकाे कम्पनीले एक प्रेस विज्ञप्ति जारी गरी जनाएकाे छ ।