काठमाडाैं, फागुन १३ ।
म्याग्दी केन्द्रबिन्दु भएर भूकम्प गएको छ । बिहान ९ बजेर २६ मिनेटमा म्याग्दीको मुरी आसपास केन्द्रबिन्दु भएको ३ दशमलव ६ म्याग्निच्युडको धक्का मापन गरिएको राष्ट्रिय भूकम्प मापन केन्द्रले जानकारी गराएको छ ।

त्यसअघि आज मंगलबार बिहान ९ बजेर १८ मिनेटमा म्याग्दीकै मुना आसपास केन्द्रबिन्दु भएर ३ दशमलव ५ म्याग्निच्युडको भूकम्प गएको थियो । यसैदिन बिहान ६ बजेर १३ मिनेटमा म्याग्दीको देवीस्थान आसपास केन्द्रविन्दु भएको ३ दशमलव ४ म्याग्निच्युडको भूकम्प मापन गरिएको थियो ।

आजै बिहान ५ बजेर ५२ मिनेटमा म्याग्दीकै डाँडागाउँ आसपास केन्द्रबिन्दु भएको समान ३ दशमलव ४ म्याग्निच्युडको भूकम्प मापन गरिएको केन्द्रले जनाएको छ । कम्पनको धक्का जिल्लाका विभिन्न ठाउँमा महशुस गरिएको थियो ।