काठमाडौंबाट गएको बस काभ्रेमा दुर्घटना हुँदा १८ यात्रु घाइते

काठमाडाैं, फागुन १३ ।
काभ्रेमा बस दुर्घटना हुँदा १८ यात्रु घाइते भएका छन् । बिपी राजमार्गअन्तर्गत काभ्रेपलाञ्चोकको धुलिखेल नगरपालिका-१० शारदाबतासमा आज मंगलबार बिहान बस दुर्घटना हुँदा १८ जना घाइते भएका हुन् ।
काठमाडौंबाट ओखलढुङ्गाका लागि जाँदै गरेको अरनिको यातायातको बस मंगलबार बिहान दुर्घटनामा परेको जिल्ला प्रहरी कार्यालय काभ्रेले जनाएको छ ।
सडकको नालीमा पल्टिएर बस दुर्घटना हुँदा बसका चालक र सहचालकसहित १८ जना यात्रु घाइते भएका छन् । घाइतेको धुलिखेल अस्पतालमा उपचार भइरहेको छ । बसमा २४ जना यात्रु रहेका बताइएको छ ।
प्रतिक्रिया