काठमाडाैं, फागुन १३ ।
ललितपुरको इमाडोल महालक्ष्मी नगरपालिका-१ स्थित एउटा रङ्ग पसलमा भएकाे आगलागी नियन्त्रणमा आएकाे छ । जिल्ला प्रहरी परिसर ललितपुरका सूचना अधिकारी एवं प्रहरी उपरीक्षक नरहरि रेग्मीकाअनुसार इमाडोलको रङ पसलमा आज मंगलबार साँझ आगलागी भएको हो ।

प्रहरी र दमकलसहितको टोलीले आगलागी नियन्त्रणमा लिएका थिए । सो पसल रहेको घरको माथिल्लो तलामा डेण्टल र तल्लो तलामा रङ पसल रहेकाे थियो । क्षतिको यकिन विवरण सार्वजनिक भएको छैन ।

आगलागी के कारण भएकाे हाे । यसबारे विस्तृत विवरण भने आउने बाँकी रहेकाे प्रहरीले जनाएकाे छ ।