काठमाडाैं, फागुन १४ ।
भाेलि बिहीबारदेखि तीन दिनसम्म काठमाडौंका विभिन्न स्थानहरूमा विद्युत् आपूर्ति प्रभावित हुन सक्ने नेपाल विद्युत् प्राधिकरणले जानकारी दिएको छ ।

मूलपानी १३२ केभी सबस्टेसनमा भक्तपुर-चपली १३२ केभी प्रशारण लाइनलाई ‘लुप इन लुप आउट’ गर्न बिहीबार बिहान ६ बजेदेखि शनिबार साँझसम्म तीन दिन विभिन्न स्थानहरूमा विद्युत् सेवा प्रभावित हुन सक्ने प्राधिकरणले आज बुधबार जारी गरेको सूचनामा उल्लेख गरिएकाे छ ।

चपली सबस्टेसन, लैनचौर सबस्टेसन, चाबहिल सबस्टेसन, बालाजु सबस्टेसन, पुरानो चाबहिल तथा महाराजगञ्ज ११ केभी स्विचिङ सबस्टेसनहरूबाट सञ्चालित वितरण केन्द्रअन्तर्गतका ११ केभी फिडरहरूबाट विद्युत् आपूर्ति हुने स्थानहरूमा विद्युत् सेवा प्रभावित हुन सक्ने प्राधिकरणले जारी गरेको सूचनामा उल्लेख छ ।