काठमाडाैं, फागुन १५ ।
पूर्व-पश्चिम राजमार्गअन्तर्गत कञ्चनपुर शुक्लाफाँटमा ट्रकले मोटरसाइकललाई ठक्कर दिँदा एक जनाको मृत्यु भएको छ । वन समितिमा आज बिहीबार बिहान बा. ०१००६ ख ३५३७ नम्बरको ट्रकले पछाडिबाट ठक्कर दिँदा मोटरसाइकलमा सवार भीमदत्त नगरपालिका-१८ की ३० वर्षीया निर्मला बोहराको मृत्यु भएको हो ।

ट्रकको ठक्करबाट गम्भीर घाइते भएकी बोहराको उपचारका क्रममा महाकाली प्रादेशिक अस्पतालमा मृत्यु भएको प्रहरीले जनाएको छ ।

दुर्घटनामा मोटरसाइकल चालक भीमदत्त नगरपालिका-१८ का ३० वर्षीय महिमान बिष्ट घाइते भएका छन् । ट्रक चालकलाई नियन्त्रणमा लिइएको प्रहरीले जनाएको छ ।