काठमाडाैं, फागुन १८ ।
भक्तपुरको सूर्यविनायक नगरपालिका-८, जगाती पुलनजिकै मोटरसाइकलको ठक्करबाट स्वृथानीय एक द्धाको मृत्यु भएको छ ।

भक्तपुर प्रहरीले आज आइतबार दिएको जानकारीअनुसार जगातीबाट साँगातर्फ जाँदै गरेको बा. ४१ प ३३४ नम्बरको मोटरसाइकलले शनिबार राति पैदलयात्री भक्तपुर नगरपालिका-७, गोलमढी बस्ने ७० वर्षीया तुलसीमाया तुसिबाखलाई ठक्कर दिएको हो ।

ठक्करबाट गम्भीर घाइते भएकी उनको उपचारका क्रममा सूर्यविनायक नगर अस्पतालमा मृत्यु भएको प्रहरीले जानकारी दिएको छ ।

साथै, सोही मोटरसाइकलको ठक्करबाट घाइते अन्य ३ जना मध्यपुर अस्पताल ठिमीमा उपचाररत् छन् ।

मोटरसाइकल चालकलाई प्रहरीले नियन्त्रणमा लिई आवश्यक अनुसन्धान भइरहेको प्रहरीले जनाएको छ ।