काठमाडाैं, फागुन २२ ।
हृदयघात भएपछि गत आइतबार काठमाडाैंको थापाथलीस्थित नर्भिक इन्टरनेशनल अस्पतालमा भर्ना भएका पूर्वयुवराज पारस शाह डिस्चार्ज भएका छन् । उनी चार दिनपछि अस्पतालबाट डिस्चार्ज भएका हुन् ।

उनको स्वास्थ्यमा सुधार आएसँगै आज बिहीबार अस्पतालबाट डिस्चार्ज गरिएको नर्भिक अस्पतालका प्रवक्ता अजय मिश्राले बताए । पूर्वयुवराजको उपचारमा डाक्टर यादव भट्ट नेतृत्वको टोली संलग्न रहेकाे थियो । शाहलाई चौथो पटक हृदयाघात भएको हो ।