काठमाडाैं, फागुन २३ ।
भौतिक पूर्वाधार तथा यातायात मन्त्रालयको गाडीले कोटेश्वरस्थित मापसे चेक प्वाइन्ट छलेर भागेपछि दुर्घटना भएको छ । बा. २ झ २३७८ नम्बरको गाडीको ठक्करबाट कोटेश्वर चोकमा एउटा मोटरसाइकलमा क्षति पुगेको छ ।

चेक प्वाइन्ट छलेर भागेका चालकलाई प्रहरीले पछ्याएर पक्राउ गरेको छ । गाडी चालक सुवास थापालाई पक्राउ गरिएको छ । गाडीलाई नियन्त्रणमा लिने क्रममा प्रहरीको मोटरसाइकलमा पनि क्षति पुगेको छ ।

सो गाडी भौतिक पूर्वाधार मन्त्रालयका सचिव केशव कुमार शर्मा चढ्ने हो । चालक थापालाई प्रहरीले पक्राउ गरेको छ ।