शाही युवा शक्ति नेपालद्वारा राजा घाेषणा गर्न जनदवाब स्वरूप र्याली

काठमाडाैं, चैत ९ ।
शाही युवा शक्ति नेपालले आज शनिबार पूर्वराजा ज्ञानेन्द्र शाहलाई तेश्राे पटक राजा घोषणा गर्न जनदवाब स्वरूप र्यालीकाे आयाेजना गरेकाे छ ।
शनिबार काठमाडौंको सामाखुसीबाट नारायणहिटीसम्म ‘ज्ञानेन्द्र सरकारलाई तेश्राे पटक राजा घोषणा गर्न’ भन्दै जनदवाब स्वरूप र्याली निकालिएको हो । र्यालीका क्रममा राजाबादीहरूले ‘नारायणहिही खाली गर’, ‘हाम्रो राजा हाम्रो शान’, ‘राजसंस्था जिन्दाबाद’, ‘राजा आउ देश बचाउ’ जस्ता नाराहरू लगाएका थिए ।
र्याली अघि बढ्ने क्रममा प्रहरीले पटक-पटक अवरोधसमेत गरेको थियो । यसअघि, फागुन २५ गते पोखराबाट पूर्वराजा शाह फर्किँदा काठमाडौंमा भव्य स्वागत गरिएको थियो । सोही दिनबाट हौसिएका राजवादीहरूले राजतन्त्र फर्काउने आन्दोलन गर्दै आइरहेका छन् । तर शनिबार काठमाडौंमा प्रदर्शन भइरहँदा शाह भने गोरखा जिल्लाको गोरखनाथ मन्दिरको दर्शन गर्न पुगेका छन् ।
प्रतिक्रिया