काठमाडाैं, चैत ११ ।
काठमाडौं महानगरपालिका मेयर बालेन शाहले आफ्ना कर्मचारीहरूलाई एक हप्ताभित्र तलब नआए कडा कदम चाल्ने चेतावनी दिएका छन् ।

शुक्रबार साँझ सामाजिक सञ्जालमार्फत् उनले विगत तीन महिनादेखि सरसफाइ कर्मचारीहरू तलब नपाएको भन्दै आक्रोश व्यक्त गरे । उनले कर्मचारीको तलब रोकिएको अवस्था सरकारको दम्भका कारण भएको बताएका छन् ।

‘काठमाडौं महानगरपालिकाका सरसफाइ कर्मचारीले तीन महिनादेखि तलब पाएका छैनन्, यो सरकारको दम्भले,’ उनले लेखेका छन्, ‘को-कोले के-के आन्दोलन गर्छन्, मलाई थाहा छैन । तर अबको एक साताभित्र हाम्रो कर्मचारीले तलब नपाए सबैलाई टुकुचामा गाडदिन्छु ।’

राजनीतिक दलतर्फ संकेत गर्दै मेयर शाहले थप लेखेका छन्, ‘त्यसपछि हेरौँला, तिमीहरूको के कस्तो तन्त्र छ ।’