काठमाडौं, पुस १६
तेश्रो एक दिवसीय क्रिकेटअन्तर्गत आज भएको खेलमा न्यूजिल्याण्ड ८ विकेटले विजयी भएको छ ।

दुई सय ३७ रनको लक्ष्य न्यूजिल्याण्डले ४१ ओभर दुई बलमा दुई विकेट गुमाएर लक्ष्यमा पुगेको हो । न्यूजिल्याण्डका निल ब्रुमले ९७ रन बनाएका थिए भने केन विलियम्सनले ९५ रनमा नटआउट रहे ।

त्यसअघि ओभलमा पहिले ब्याटिङ गरेको पाहुना टोली बंगलादेशले ५० ओभरमा नौ विकेट गुमाएर दुई सय ३६ रन बनाएको थियो । बंगलादेशका तमिम इकवालले ५९ तथा इमरुल कायज र नुजरुल हसनले ४४÷४४ रन बनाएका थिए । न्यूजिल्याण्डका म्याट हेनरी र मिचेल स्याट्नरले दुई दुई विकेट लिएका हुन् ।